Lundinn er mættur

18. apríl 2011 kl.07:50

Eftir hádegi í gær sást lundinn í fyrsta sinn á þessu ári á sjónum út af Heimaey og síðdegis mátti sjá hann skoða sig um í vörpunum.  Þetta er nokkuð eðlilegur tími en í fyrra settist lundinn upp 13. apríl.
 

Náttúrustofa Suðurlands fylgist með varpárangri lunda í Vestmannaeyjum og hringinn í kringum landið í sumar og verða fréttir af stöðunni birtar hér á síðunni eftir því sem niðurstöður berast. Varpárangur lunda  í Vestmanneyjum hefur verið lítill sem enginn undanfarin ár og verður lítið sem ekkert um ungfugl í sumar. Því er líklegt að ekkert verði veitt í sumar.