Krossnefir

12. apríl 2009 kl.17:32

Krossnefur (Loxia curvirostra) er finkutegund sem flækist stundum til Íslands. Talsvert hefur borið á krossnefum í barrskógum á Suðurlandi frá því síðasta haust og nú er ljóst að margir hafa orpið og komið upp ungum í vetur.

Aðalfæða krossnefs er fræ greniköngla og hentar víxlaður goggurinn vel til að ná fræjunum. Myndirnar hér fyrir neðan voru teknar 8. apríl í grenilundi við Gjábakkastíg rétt við Vatnsvik í Þingvallavatni. Á fyrri myndinni má sjá karlfuglinn fóðra stálpaðan unga en hin sýnir kvenfuglinn.
 
Krossnefur (kk) að mata unga.
 
 
Krossnefur (kvk).