Kampselur (Erignathus barbatus)

11. janúar 2006 kl.10:21

Selurinn á meðfylgjandi myndum hefur sést nokkuð oft undanfarna daga á flotbryggju í höfninni í Vestmannaeyjum. Þetta er líklega kampselur. Veiðihárin sem eru einkenni tegundarinnar eru ljós og löng og standa þétt í níu röðum á þykku skeggstæði.

Framhreifar eru stuttir en breiðir og sterklegir með kröfturgar klær sem eru allar svipaðar að stærð en miðklóin þó einna stærst. Þriðja atriðið sem bendir til að þetta sé kampselur er aðskildar nasir á breiðu trýni.  Heimild: Erlingur Hauksson 2004. Kampselur. (Í) Páll Hersteinsson (ritstj.) Íslensk spendýr. Vaka-Helgafell.bls. 144-145.